अनैतिक संबंधाने केली दोन सुखी संसारांची राखरांगोळी

प्रियसीचा खून करून प्रियकराची आत्महत्या; चाकूने केले सपासप वार

समांतर क्रांती / खानापूर

प्रियकराने प्रियसीवर चाकूने सपासप वार करून ठार केले. नंतर स्वत:वरही चाकूने वार करून घेत आत्महत्या केल्याची घटना तालुक्यातील बिडी येथे घडली आहे. मृत महिलेचे नाव रेश्मा तिरवीर (२९) व प्रियकराचे नाव आनंद सुतार असे असून दोघांमध्ये गेल्या कांही वर्षांपासून अनैतिक संबंध सुरू होते.

याबाबत समजलेली अधिक माहिती अशी, आनंद सुतार आणि रेश्मा यांचे अनैतिक संबंध असल्याबद्दल अलिकडेच तिच्या पतीने नंदगड पोलिसात तक्रार केली होती. पोलिसांनी त्याला समज देऊन सोडले होते. त्याच राहातून त्याने रेश्माच्या घरी जाऊन तिच्यावर चाकूने सपासप वार केले. त्यात ती जागीच ठार झाली. त्यानंतर त्याच चाकूने आनंद याने स्वत:वर वार केले. त्याला जखमी आवस्थेत बेळगावला उपचारासाठी नेत असतांना त्याचा वाटेत मृत्यू झाला.

दोघेही विवाहित..

मृत रेश्मा व आनंद हे दोघेही विवाहीत आहेत. रेश्मा हिला दोन तर आनंदला तीन मुले आहेत. अनैतिक संबंधाने दोन सुखी संसारांची राखरांगोळी झाली आहे. या घटनेने बिडी परिसरात खळबळ माजली आहे. पोलिस उपअधिक्षक विरेश हिरेमठ यांनी घटनास्थळी जाऊन पंचनामा केला. घटनेची नोंद नंदगड पोलिसांत झाली असून अधिक तपास सुरू आहे.