कणकुंबी भागातील मंदिरात चोऱ्यांचे सत्र; तपास लावण्यात पोलिस हतबल

समांतर क्रांती / खानापूर

गेल्या कांही दिवसांपासून कणकुंबी भागात मंदिरांमध्ये चोऱ्यांचे प्रमाण वाढले आहे. एका पाठोपाठ चोऱ्या होत असल्याने गावकऱ्यात भीतीचे वातावरण आहे. पोलिस मात्र केवळ पंचनामा करून वेळ मारून नेत आहेत. चोरट्यांना तात्काळ जेरबंद करण्याची मागणी जोर धरत आहे.

महिनाभरापूर्वी चिगुळे येथील मंदिरातील दोन दानपेट्या फोडून चोरट्यांनी रक्कम पळविली होती. ही घटना ताजी असतानाच गुरूवारी चिखले येथील सातेरी केळबाय मंदिरातील दानपेटी फोटून रक्कम चोरल्याची घटना ऊघडडकीस आली आहे. सदर मंदिराचे महिनाभरापूर्वी नुतनीकरण करण्यात आले होते. समोरील दरवाजा तोडून आत प्रवेश केलेल्या चोरट्यांनी दानपेटी तेथेच फोडून रक्कम लंपास केली आहे.

या दोन्ही घटनांचा पोलिसांनी पंचनामा केला असला तरी अद्याप पोलिस खात्याला चोरट्यांचा माग लागलेला नाही. पर्यटनाच्या नावाखाली कणकुंबी परिसरात चोरट्यांचा वावर वाढल्याचे स्थानिकांचे म्हणणे आहे. मंदिरांच्या पावित्र्याला धोका निर्माण झाल्यामुळे स्थानिकांतून संताप व्यक्त केला जात असून पोलिस खात्याने तात्काळ अशा घटनांवर आळा घालण्यासाठी पाऊले उचलावीत अशी मागणी होत आहे.